CSKએ SRHને 7 વિકેટે હરાવ્યું: ચેન્નઈ સતત 5મી જીત સાથે પોઈન્ટ ટેબલમાં નંબર-1 બની, SRHને છેલ્લી 10માંથી 7 મેચમાં હરાવ્યું

ચેન્નઈના ઓપનર ડુપ્લેસિસ અને ઋતુરાજે મહત્ત્વપૂર્ણ 129 રનની મેચ વિનિંગ પાર્ટનરશિપ નોંધાવી હતી.

IPL 2021ની 23મી મેચમાં CSKએ SRHને 7 વિકેટે પરાજય આપ્યો હતો. ચેન્નઈની ટીમે સતત 5 મેચમાં જીત પ્રાપ્ત કરીને પોઈન્ટ ટેબલમાં પ્રથમ સ્થાન પ્રાપ્ત કર્યું છે. હૈદરાબાદની આ સીઝનની 5મી હાર છે, જેના પરિણામે તે પોઈન્ટ ટેબલમાં અંતિમ ક્રમાંક પર પટકાયું છે. ચેન્નઈએ છેલ્લી 10 મેચમાંથી 7માં હૈદરાબાદને હરાવ્યું છે. મેચનું સ્કોરબોર્ડ જોવા માટે અહીંયા ક્લિક કરો…….

IPLની 23મી મેચ પછીનું પોઈન્ટ ટેબલ

ડુ પ્લેસીસ અને ઋતુરાજે મહત્ત્વપૂર્ણ ભાગીદારી નોંધાવી
ચેન્નઈ સુપરકિંગ્સે 129 રન પર ઋતુરાજ ગાયકવાડની પ્રથમ વિકેટ ગુમાવી હતી. રાશિદ ખાને એને બોલ્ડ કર્યો હતો. ઋતુરાજ ગાયકવાડે પોતાના IPL કારકિર્દીની 5મી અર્ધસદી નોંધાવી હતી. એણે 44 બોલમાં 75 રન બનાવ્યા હતા. ત્યારપછી 15મી ઓવરમાં રાશિદ ખાને બેક ટુ બેક મોઈન અલી અને ડુ પ્લેસીસને પણ પેવેલિયન ભેગા કર્યા હતા. જેમાં ફાફ ડુ પ્લેસીસે 38 બોલમાં 56 રન બનાવ્યા હતા. આમ રાશિદ ખાને 3 વિકેટ પોતાને નામ કરી હતી.

દિલ્હીના અરુણ જેટલી સ્ટેડિયમમાં સીઝનની પ્રથમ મેચ યોજાઈ
ચેન્નઈ અને હૈદરાબાદ વચ્ચે દિલ્હીના અરુણ જેટલી ઈન્ટરનેશનલ સ્ટેડિયમમાં યોજાઈ હતી. આ સીઝનની દિલ્હીમાં પ્રથમ મેચ રમાઈ હતી. આ મેચમાં હૈદરાબાદના કેપ્ટન ડેવિડ વોર્નરે ટોસ જીતીને પ્રથમ બેટિંગ કરવાનો નિર્ણય કરીને ચેન્નઈને જીતવા માટે 172 રનનો લક્ષ્યાંક આપ્યો હતો. જેના જવાબમાં CSKએ 3 વિકેટના નુકસાન પર 173 રન બનાવીને 7 વિકેટે વિજય પ્રાપ્ત કર્યો હતો.

કેન વિલિયમ્સને અંતિમ ઓવરોમાં આક્રમક બેટિંગ કરી
SRHએ 3 વિકેટના નુકસાન પર 171 રન બનાવ્યા હતા. કેન વિલિયમ્સને અંતિમ ઓવરમાં આક્રમક બેટિંગ કરીને ટીમના સ્કોરમાં મહત્ત્વપૂર્ણ યોગદાન આપ્યું હતું. એણે 10 બોલમાં 26 રન બનાવ્યા હતા. હૈદરાબાદનો ઓપનર જોની બેરસ્ટો 7 રન બનાવીને સેમ કરનનો શિકાર થયો હતો. ટીમની 22 રન પર પ્રથમ વિકેટ પડી હતી. લૂંગી એન્ગિડીએ ચેન્નઈને એક જ ઓવરમાં 2 વિકેટ અપાવી. પહેલા કેપ્ટન ડેવિડ વોર્નરને અને ત્યારપછી મનીષ પાંડેને પણ પેવેલિયન ભેગો કર્યો હતો. વોર્નરે 55 બોલમાં 57 રન બનાવ્યા હતા.

વોર્નર અને મનીષ પાંડેએ 106 રનની ભાગીદારી નોંધાવી હતી.

વોર્નર અને મનીષ પાંડેએ રેકોર્ડ બનાવ્યા

જાડેજા સિક્સની સદીથી માત્ર 2 હિટ દૂર
ચેન્નઈ ટીમનો ઓલરાઉન્ડર રવિન્દ્ર જાડેજા T-20 ક્રિકેટમાં 100 સિક્સ મારવાના રેકોર્ડથી માત્ર 2 હિટ દૂર છે. આ મેચમાં જો ધોનીની ટીમ જીતી તો ફરી એકવાર પોઈન્ટ ટેબલ પર પ્રથમ ક્રમાંક પર આવી જશે. ત્યાંજ, હૈદરાબાદની ટીમ અત્યારે છેલ્લા ક્રમાંક પર હોવાથી, જો તે મેચ જીતશે તો 4 અથવા 5માં નંબર પર આવી શકે છે.

બન્ને ટીમમાં 2-2 ફેરફાર કરાયા

બન્ને ટીમમાં 4-4 વિદેશી ખેલાડીઓ

પોઈન્ટ ટેબલની નંબર ગેમ
અત્યારે ચેન્નઈ પાસે 8 પોઈન્ટ છે અને RCBએ 10 પોઈન્ટ સાથે પ્રથમ નંબર પર સ્થાન પ્રાપ્ત કર્યું છે. જો ધોનીની CSKએ આ મેચ જીતી તો વધુ સારા રનરેટથી 10 પોઈન્ટ સાથે પ્રથમ ક્રમાંક પર પહોંચી જશે. હૈદરાબાદ પાસે અત્યારે માત્ર 2 પોઈન્ટ છે, પરંતુ SRH જો આ મેચ જીતશે તો 4 અંક સાથે અન્ય પોઈન્ટ ટેબલની અન્ય ટીમો કરતા વધુ સારા રન રેટ સાથે 4 અથવા 5માં નંબર પર આવી પહોંચશે. આજે હૈદરાબાદ જો મોટા માર્જિનથી જીત પ્રાપ્ત કરશે તો મુંબઈની ટીમથી પણ ઉપર આવી જશે.

બન્ને ટીમને દિલ્હીના જેટલી સ્ટેડિયમની પિચ પસંદ
દિલ્હીના અરૂણ જેટલી સ્ટેડિયમમાં અત્યાર સુધી બન્ને ટીમે સારુ પ્રદર્શન દાખવ્યું છે. બન્ને ટીમે અહીંયા 8-8 મેચમાં 6-6 જીત પ્રાપ્ત કરી છે. આ સીઝનમાં ચેન્નઈનું પલડું ભારે છે, કારણ કે ચેન્નઈએ 5માંથી 4માં જીત પ્રાપ્ત કરી છે. વળી હૈદરાબાદની ટીમે 5માંથી 4માં હારનો સામનો કર્યો છે.

બન્ને ટીમઃ