શ્રીલંકામાં અસ્થિરતા પર ભારતની તૈયારી: હજારો શરણાર્થીઓ ભારત આવવાની શક્યતા પર રામેશ્વરમમાં શિબિરો બનાવવાનું શરૂ; શ્રીલંકાના તમિલોને શરણાર્થી ગણવામાં આવશે

શ્રીલંકાની અસ્થિરતાની અસર ભારત પર પણ થશે તેવું માનવામાં આવે છે. એવી આશંકા છે કે શ્રીલંકામાંથી હજારો શરણાર્થીઓ ભારત આવશે. આ માટે તામિલનાડુનાં રામેશ્વરમના મંડાપમ ખાતે કેમ્પ બનાવવાનું શરૂ કરવામાં આવ્યા છે. તામિલનાડુ સરકારે અહીં આવતા શ્રીલંકન તમિલોને શરણાર્થી ગણવા માટે મૌખિક આદેશ જારી કર્યો છે.

તામિલનાડુ સરકારનું કહેવું છે કે શ્રીલંકામાં વર્તમાન આર્થિક સંકટ અને અસ્થિરતાને કારણે ભારતમાં આવતા તમિલોને શરણાર્થી ગણવાનો આદેશ વચગાળાનો રહેશે, આ બાબતે અંતિમ આદેશ કેન્દ્ર સરકાર પર નિર્ભર રહેશે. તામિલનાડુ સરકારનું માનવું છે કે આગામી દિવસોમાં શ્રીલંકાથી હજારો તમિલો ભારત આવવાની સંભાવનાને કારણે આ પગલું ભરવામાં આવ્યું છે.

ખરેખર, ગયા દિવસોમાં શ્રીલંકાથી બે બોટમાં કેટલાક તમિલો ભારત આવ્યા હતા. તેઓને વિદેશી માનીને તેમની ધરપકડ કરાઈ હતી. હવે તામિલનાડુ સરકારના નવા આદેશ બાદ કોર્ટે આ તમામ લોકોને જામીન આપ્યા છે. આ તમિલોને હવે શરણાર્થી શિબિરોમાં રાખવામાં આવ્યા છે. તામિલનાડુ સરકારના શરણાર્થી વિભાગના કમિશનર જેસિન્થા લાઝરસે ભાસ્કરને જણાવ્યું હતું કે શ્રીલંકાથી આવી રહેલા મોટાભાગના લોકોમાં મહિલાઓ અને બાળકો છે, તેમની સંભાળ રાખવાની જવાબદારી અમારી છે.

શ્રીલંકાથી બે બોટમાં કેટલાક તમિલો ભારત આવ્યા હતા.

રાજ-પક્ષે: મોટા ભાઈ પીએમ મહિન્દ્રાએ નાના ભાઈ રાષ્ટ્રપતિ ગોતાબાયાને રાજીનામું આપ્યું
પરેશાન શ્રીલંકામાં રાજીનામાનો ખેલ પણ ચાલ્યો હતો. વડાપ્રધાન મહિન્દા રાજપક્ષે અને તેમની કેબિનેટના 26 પ્રધાનોએ રાષ્ટ્રપતિ ગોતાબાયા રાજપક્ષેને તેમના રાજીનામા સુપરત કર્યા હતા. મહિન્દ્રા, ગોતાબાયાના મોટા ભાઈ છે. તેમના ભાઈ નાણા પ્રધાન બાસિલ રાજપક્ષે અને કૃષિ પ્રધાન ચમલ રાજપક્ષે સહિત મહિન્દ્રાના પુત્ર, રમતગમત પ્રધાન નમાલ રાજપક્ષે પણ રાજીનામું આપ્યું હતું.

રાજપક્ષે કુળ સામે પણ જનતામાં ગુસ્સો છે. ગોતાબાયાએ વિપક્ષને સરકારમાં સામેલ થવાનો પ્રસ્તાવ મૂક્યો છે. સોમવારે સાંજે ગોતાબાયાએ ચાર મંત્રીઓની નિમણૂક કરી હતી. તે બધા રાજપક્ષે કુળના નથી.

મોદીને અપીલઃ વિપક્ષના નેતાએ કહ્યું અમારી મદદ કરો
શ્રીલંકામાં વિપક્ષના નેતા સાજીથ પ્રેમદાસાએ વડાપ્રધાન નરેન્દ્ર મોદીને સંદેશ આપ્યો હતો- તેમણે કહ્યું હતુ કે અમારી મદદ કરો. સામૂહિક રાજીનામા જનતાને છેતરવા માટેનું ‘ડ્રામા’ છે.

બેંક ગવર્નરે પણ રાજીનામું આપ્યું
શ્રીલંકાની નાણાકીય કટોકટી માટે જવાબદાર મનાતા સેન્ટ્રલ બેંકના ગવર્નર અજીત નિવાર્ડ કેબરાલે પણ રાજીનામું આપી દીધું છે. તેઓ 7 મહિના પહેલા જ રાજ્યપાલ બન્યા હતા.

13 વર્ષ પછી પરત આવ્યા: દરિયાના જીવલેણ લહેરોમાં પોતાની નાની હોડીમાં ભારત પાછા આવ્યા
શ્રીલંકાના કોકુપાડ્યમની એક મહિલા ડોરી કહે છે કે તે 2009માં તેના પરિવાર સાથે શ્રીલંકા પરત ફરી હતી. જ્યારે પરિસ્થિતિ એટલી વધુ ખરાબ થઈ તો દરિયાના જીવલેણ લહેરોનો ભય રાખ્યા વીના તેઓ નાની હોડીમાં ભારત પહોંચ્યા છે. રામેશ્વરમમાં માછીમાર સંગઠનના પ્રમુખ સેસુરાજા કહે છે કે શ્રીલંકાથી આવતા તમિલો વિરુદ્ધ કેસ નોંધવાની જરુર નથી.

એવી આશંકા છે કે શ્રીલંકામાંથી હજારો શરણાર્થીઓ ભારત આવશે.

રિફ્યુજીએ કહ્યું- શ્રીલંકામાં 500 રૂપિયા પ્રતિ કિલો ચોખા, 290 રૂપિયા કિલો ખાંડ, જો અમે ત્યાં રહ્યા હોત તો ભૂખમરાથી મરી ગયા હોત
તમિલ રિફ્યુજી મહિલા શિવશંકારી કહે છે કે શ્રીલંકામાં ચોખા 500 રૂપિયા પ્રતિ કિલો છે, ખાંડ 290 રૂપિયા કિલો છે. જ્યારે 400 ગ્રામ મિલ્ક પાવડર 790 રૂપિયામાં મળે છે. નાનકડા પરિવારને ખાવા માટે રોજના અઢી હજાર રૂપિયાની જરૂર પડે છે. શિવશંકારી કહે છે કે અમારા જેવા રોજીંદા મજૂરોને રોજના 500 રૂપિયા મળે છે. જો અમે ત્યાં રહ્યા હોત તો ભૂખમરાથી મરી ગયા હોત.