ભાસ્કર ઇન્ટરવ્યુ: કોર્ટમાં કોઇ કેસ નથી, તે લોકો માત્ર અફવા ફેલાવીને માત્ર નુકસાન કરી રહ્યા છે : સુશીલ કુમાર

સ્કૂલ ગેમ્સ ફેડરેશન ઓફ ઇન્ડિયા (SGFI) ના નવા અધ્યક્ષ બનેલ સુશીલ કુમારે કહ્યું કે ખેલાડીઓના ભવિષ્ય સાથે કોઇ ચેડા કે ગડબડ કરશે તે હું જરા પણ સહન કરી નહી લવ. મને જે જવાબદારી મળી છે, તેનો હું સારી રીતે નીભાવીશ. બેવારના ઓલિમ્પિક મેડાલિસ્ટ પહેલવાન સુશીલ કુમારે રહ્યું કે જે ચૂંટણી ડિસેમ્બરમાં થઇ હતી તેમાં સ્પોર્ટ્સ કોડનું ઉલ્લંઘન થયું હતું. એટલા માટે તેને અમાન્ય કરી દેવામાં આવી હતી. તેણે કહ્યું કે કોરોનાના કારણે ખેલાડીઓનું એક વર્ષ ખરાબ થઇ ચુક્યું છે. બાળકો સત્રમાં રાષ્ટ્રીય ટુર્નામેન્ટ શરૂ કરવાને લઇને તૈયારીઓ ચાલી રહી છે. તે ઓલિમ્પિકમાં ઉતરવા માટે જલ્દી તૈયારીઓ શરૂ કરી દેશે. 2008 બેલ્જીંગ ઓલિમ્પિકમાં કાસ્ય અને 2012 લંડન ઓલિમ્પિકમાં સિલ્વર મેડલ જીતનાર સુશીલ પહેલીવાર 2016 માં એસજીએપઆઈમાં અધ્યક્ષ બન્યો હતો. તેની વાતચીતના અંશ:

હું ઓલિમ્પિકમાં ત્રણવાર રમી ચુક્યો છું. મોટી ટુર્નામેન્ટમાં પણ જોડાયો છું. મને ખ્યાલ છે કે ટુર્નામેન્ટમાં કેવા પ્રકારની તૈયારીઓ સાથે ઉતરવાનું હોય છે અને શું કરવાનું હોય છે. ઓલિમ્પિકમાં ઉતરવાને લઇને ગુરૂજી પાસેથી અંતિમ નિર્ણય લીધા બાદ જ નક્કી કરીશ.

ડિસેમ્બરમાં જે ચૂંટણી થઇ હતી તેને ભારત સરકારે અમાન્ય કરી દીધી હતી. તે ચૂંટણી સ્પોર્ટ્સ કોડ પ્રમાણે થઇ ન હતી. અમારા ફેડરેશન અને ચૂંટણીને લઇને કોર્ટમાં પણ કોઇ કેસ ચાલી નથી રહ્યો. બીજા ફેડરેશનના લોકો માત્ર અફવા ફેલાવી રહ્યા છે. તેનાથી નાના બાળકોને નુકસાન થઇ રહ્યું છે. હું આ બધી બાબતોને સહન કરી નહીં શકું.

હું 2008 થી સેકન્ડ ક્લાસ ઓફિસર છું. રમતની સાથે એડમિનિસ્ટ્રેશન સંભાળી રહ્યો છું. મે કામ અને રમત બંનેમાં એક લીમીટ બનાવી દીધી છે. મારે એક દિવસમાં કેટલું કામ કરવાનું છે અને કેટલી પ્રેક્ટિસ કરવાની છે, બંને કામ માટે અલગ અલગ પ્લાનીંગ કરૂ છું.

એસજીએફઆઈની ગેમ્સ શરૂ કરવાને લઇને અમે એક પ્લાન તૈયાર કર્યો છે. જલ્દી જ નેશનલ ગેમ્સ શરૂ થશે. બાળકોની પરિક્ષા બાદ તે શરૂ થઇ શકે છે.

નેશનલ ટ્રાયલ થઇ ગયું છે. એટલા માટે હું ઉતર્યો ન હતો. આવનાર ટુર્નામેન્ટની તૈયારી કરીશ અને તેમાં ભાગ લઇશ.