સેવા: આફ્રિકામાં વડતાલધામ નૈરોબી માં સેવાની સરવાણી વહી : ગરીબોની આંતરડી ઠરી : 1100 જરૂરિયાતમંદો છ મહિનાની રાશન કીટ આપી.

આફ્રિકાના પાટનગર નૈરોબી મુકામે શ્રીસ્વામિનારાયણ મંદિર વડતાલધામ દ્વારા કોરોનાના કપરાકાળમાં માનવસેવાની જ્યોત જગાવી છે. વડતાલધામ નૈરોબીના સ્થાપક ટ્રસ્ટી અને કે સોલ્ટના માલિક શેઠ કે. કે.વરસાણીના સૌજન્યથી , કોવિડ -૧૯માં ઓછા વેતન મેળવનાર આફ્રિકાના સ્થાનિક લોકોને ભોજન માટે મકાઈનો લોટ અને ચોખા ,સ્વચ્છતા માટે કપડા ધોવાનો (ઓમો ) પાવડર અને સ્નાન માટે હર્બલ સાબુ વગેરે જીવન જરૂરીયાતની વસ્તુનું વિતરણ કરવામાં આવ્યું છે.

શિક્ષાપત્રીના સર્વજીવ હિતાવહ સંદેશને દેશ વિદેશમાં વ્યાપક બનાવવા વડતાલ મેનેજીંગ ટ્રસ્ટી બોર્ડ દ્વારા , આચાર્યશ્રી રાકેશપ્રસાદજીના આશીર્વાદ સાથે , ઓસ્ટ્રેલિયા , લંડન અને આફ્રિકામાં વડતાલ તાબાના મંદિરોનું નિર્માણ કાર્ય થઈ રહ્યું છે, તાજેતરમાં જ નૈરોબી મંદિરનો શિલાન્યાસ વિધિ સંપન્ન થયો છે. પરેશ પટેલ – મહેળાવ, કે કે વરસાણી કચ્છ ,પરેશ પટેલ વડતાલ , હરજીભાઈ રાઘવાણી -કચ્છ ; કુરજીભાઈ વરસાણી કચ્છ , પ્રથમેશ પટેલ – નાર વગેરે અગ્રણીઓ મંદિર નિર્માણ કાર્યની સાથે સાથે સ્થાનિક લોકોના જીવન ઉત્કર્ષ માટે પણ કાર્ય કરી રહ્યા છે. એટલા માટે આ મંદિર ઈસ્ટ આફ્રિકામાં શિક્ષાપત્રીના સર્વજીવ હિતાવહ સેવા પ્રવૃત્તિનું કેન્દ્ર બનશે એમ વડતાલ મંદિરના ચેરમેન દેવ સ્વામી અને નૌતમ સ્વામીએ સંયુક્ત નિવેદનમાં જણાવ્યું હતું .